Микразим / Савол ва жавоб / Мен таблетка ва капсулаларни ютишга қийналяпман.Бундай ҳолатда Микразим® препаратини қандай қўллашим керак?

Мен таблетка ва капсулаларни ютишга қийналяпман.Бундай ҳолатда Микразим® препаратини қандай қўллашим керак?

Капсулаларни ютишдаги қийинчиликлар Микразим® қўлланилиши учун қарши кўрсатмаларга кирмайди.Чунки бу препарат ўзига хос,махсус яратилган,ишлаб чиқариш шаклига эга.

Ҳар битта Микразим® капсуласи таркибида фаол модда бўлган кўп миқдордаги мирогранула(пеллетлар) мавжуд. Уларнинг қобиғи фақат ишқорли муҳитга тушганда эрийди. Сув, сўлак, озуқа, ошқозон шираси микрогранулаларнинг бутлигини бузиш қобилятига эга эмас ва ферментларнинг фаоллигини ўзгартира олмайди.

Шу сабабли Микразим® капсуласини атайлаб очиш ва пеллетларни ишқорсиз ичимликлар ёки яримсуюқ озуқа билан аралаштириб юбориш мумкин. Лекин бу ҳолда, микрогранулалар механик таъсирга дуч келмаслигини назорат қилиш керак. Уларни чайнаш,кукун ҳолатигача майдалаш, қошиқ билан эзишга уриниш мумкин эмас. Микрогранулалар бутлигининг муддатидан олдин бузилиши, озуқавий ферментларнинг керакли вақтдан олдин ажралиб чиқишига сабаб бўлади, ферментлар эса тўғри келмайдиган муҳитда таъсир қилмайди.

Микразим® препаратини бундай қабул қилиш усули ютиш билан боғлиқ муаммолари бўлган одамларга,катта капсулани ютиш кераклиги билан боғлиқ,психологик ноқулайлик ҳисси бор болаларга тўғри келади.

ҚЎЛЛАШГА ҚАРШИ КЎРСАТМАЛАР БОР. ҚЎЛЛАШДАН ОЛДИН ЙЎРИҚНОМА БИЛАН ТАНИШИБ ЧИҚИНГ ВА МУТАХАССИС БИЛАН МАСЛАҲАТЛАШИНГ
Маьлумотлар билан танишдим, беркитиш