Қўллаш йўриқномаси

Фармакотерапевтик гуруҳи: овқат ҳазм қилувчи ферментли восита

Ичакда эрувчан қобиқли пеллет таркибига кирувчи ёрдамчи моддалар

Метакрил кислота ва сополимер этиарилат [1:1] (қўшимча полисорбат-80, лаурилсулфат натрий сақловчи 30%ли дисперсия) -25,3 мг/63,2 мг, триэтилцитрат- 5,1 мг/12,6 мг, симетикон эмульсияси 30 %, қуруқ масса (32,6 %) – 0,1 мг/0,3 мг шунингдек: диметикон -27,8%; каллоидсимон гидратланган кремний -1,3 %; меъёрдаги коллоидсимон кремний - 0.9 %; метилцеллюлоза - 2,5 %; сорбин кислота - 0,1 %, сув - 67.4 %, тальк -12,6 мг/31,6 мг.

Капсула қобиғи таркиби:

қобиқ: желатин - 100 % гача, сув -13-16 %
қопқоғи: желатин - 100 % гача, сув -13-16 %, қизғиш ранг берувчи (понсо 4R) – 0,6666 % / 0,7999 %, хинолин сариқ ранг берувчиси – 0,1000 % / 0,3166 %, патентланган кўк ранг берувчи - 0,0200 % / 0,0053 %, титан диоксиди - 1,2999 % / 2,9574%.

Тавсифи

Қаттиқ желатинли капсулалар № 2, қопқоқчали шаффоф қобиқ (10000 ЕД дозировка учун) ва № 0, тўқ сариқ қопқоқчали шаффоф қобиқ (25000 ЕД дозировка учун) . Капсула таркиби – цилиндр ёки шарсимон оч жигаррангдан жигаррангга қадар, ўзига хос ҳидли пеллетлар.

Фармакологик хусусияти

Микразим® - капсулага беркитилган панкреатин микрогранулалари. Препарат таркибига овқатдаги оқсиллар, ёғлар ва углеводларни ҳазм қилишни таъминловчи ҳайвонлар ошқозоности безидан олинган табиий протеаза, липаза ва амилаза ферментлари киради.

Микразим® қабул қилинганидан кейин, капсула ошқозонда тезда эриб, ичидаги ичакларда эрувчан панкреатин микрогранулаларини чиқаради. Жуда кичкина бўлгани сабабли, микрогранулалар овқат билан тез ва бир текисда аралашиб, ўникки бармоқли ичакка осон ўтади, ундан сўнг эса ингичка ичакка тушади ва бу ерда панкреатин ферментлари овқат таркиибаги оқсиллар, ёғлар ва углеводларнинг тез ва тўлиқ ҳазм бўлишини таъминлайди.

Панкреатин пеллетларининг ошқозонга тушган маҳсулотлар билан ошқозон бўйлаб бир зайлда тарқалади. Эътиборлиси, химус билан бир пайтдаги пассаж ва ичак фаолияти бошлангунига қадар ферментларнинг сақланиши (ичакда эрувчан пеллет қобиғи туфайли) юқорироқ ҳазм қилиш фаоллиги ва препарат таъсирини табиий ҳазм жараёнига максимал даражада яқинлаштиради. Микразим® ферментатив фаоллиги овқатлангандан кейин 30 дақиқа ичида максимал даражада намоён бўлади ва тезроқ таъсир этишни таъминлайди.

Протеаза, липаза ва амилаза субстратлари билан ўзаро таъсирдан кейин ичакнинг қуйи бўлимларида фаоллигини камайтириб, ичакдаги чиқит билан организмдан чиқарилади.

Микразим® ошқозон-ичак тизимига сўрилмайди ва ичак ичак оралиғида фаоллик кўрсатади.

Қўллаш йўриқномаси

Ошқозоности бези етишмовчилигида ўриндош терапия сифатида: сурункали панкреатит, панкреатэктомия, нурланишдан кейинги ҳолат, диспепсия, муковисцидоз; метеоризм, ноинфекцион табиатли диареяда қўлланилади.

Овқат ҳазм қилишнинг бузилиши (ошқозон ёки ичаклардаги жарроҳликдан кейин): овқатланиш тартибини бузиш оқибатида ошқозонида ҳазм жараёни бузилган кишиларда ошқозон фаолиятини яхшилаш (ўта ёғли таом ёки ҳаддан ортиқ овқат еб қўйиш, овқатланиш тартибни бузиш) чайнаш функцияси бузилган, камҳаракатлилик ва узоқ муддат ётиб қолиш оқибатидаги салбий ҳолатларда. Ремхельд синдроми (гастрокардиал синдром).

Қорин бўшлиғи аъзоларини рентгент ва ультратовуш текширувига тайёрлаш.

Қўллашга қарши кўрсатмалар

Панкреатин ёки препаратнинг алоҳида компонентларига индивидуал таъсирчанлик. Ўткир панкреатит, сурункали панкреатитнинг зўрайиши.

Ҳомиладорлик ва эмизикли даврда қўллаш.

Аёларнинг ҳомиладорлик ва эмизикли даврида панкреатиннинг улар саломатлигига потенциал хавф солиши тўғрисида маълумотлар йўқ. Шунинг учун ҳомиладор ва эмизикли аёлларга терапия натижаси эҳтимолли хатардан холи бўлганда препаратни қўллаш тавсия этилади.

Препарат қўлланганда транспорт воситаларини бошқаришда ножўя таъсири

Алоҳида маълумотлар йўқ.

Қўллаш усуллари ва дозаси

Препарат дозаси ҳар бир кишининг ёши, хасталик аломатларининг даражаси ва пархез таркибига қараб индивидуал тайинланади. Доза рўйхатдан ўтган Микразим® 10 000 ЕД ваМикразим® 25 000 ЕД дори воситалари ёрдамида белгиланади.

Капсулалар ичга, етарли миқдорда газланмаган (сув, мева шарбатлари) сув билан қабул қилинади. Агар бир марталик доза 1 та капсуладан ортиқни ташкил қиладиган бўлса, умумий капсулалар сонининг ярмини бевосита овқатдан, қолган ярмини – овқатланиш маҳал қабул қилиш тавсия қилинади. Бир марталик доза 1 дона капсулани ташкил этса – уни овқатланиш маҳали қабул қилиш лозим.

Ичга ютишда қийинчилик (масалан, болалар, кекса ёшдагилар) туғиладиган бўлса, каспулани очиш ва препаратни бевосита пеллет кўринишида сув ёки суюқ овқат (чайнаб ейилмайдиган) ёки олма бўтқаси, йогуртга аралаштириб қабул қилиш мумкин (pH<5,0). Чайнаш ёки pH миқдори 5,5 дан юқори озиқ-овқат маҳсулоти таркиби пеллетларни ошқозон ширасининг таъсиридан ҳимояловчи қобиққа зарар етказиши мумкин. Пеллет аралаштирилган ҳар қандай озиқ-овқат маҳсулоти ёки суюқлик тайёрланган заҳоти истеъмол қилиниши ёки ичилиши керак.

1,5 ёшгача болаларга бериш мумкин бўлган доза – суткасига 50 000 ЕД; 1,5 ёшдан катталарга – суткасига 100 000 ЕД.

Панкреатин қабул қилиш муддати бир неча кундан (овқат ҳазм қилиш тизими бузилганда) бир неча ой ёки йилни (узоқ муддатли ўриндош терапия) ҳам ташкил этиши мумкин.

Ошқозоности безининг турли кўринишдаги экзокрин етишмовчилигида ўриндош терапия.

Препартнинг дозаси секретор етишмовчилигининг ташқи кўриниш даражаси, беморнинг индивидуал овқатланиш одатлари ва ёшига кўра белгиланади.

Стеаторея (ахлатда суткасига 15 г.дан ортиқ ёғнинг мавжудлиги).

Ич кетиш, вазн қочиши ва пархездан самара бўлмаганда ҳар гал овқатланганда 25 000 ЕД липаза буюрилади. Зарур бўлган маҳал ва препарат яхши таъсир қилганда липаза дозасини 30 000 - 35 000 ЕД.га етказиш мумкин. Кейинги даволаш жараёнида натижа яхшиланади ва ташхесни қайта кўриб чиқиш тавсия этилади. Рационда ёғ миқдорини камайтириш ва /ёки протон насос ингибиторлар турига кирувчи қўшимча тавсиялар белгиланади.

Камроқ намоён бўладиган, ич кетишсиз ва вазннинг тушиб кетиши кузатилмайдиган стеатореяда бир марталик қабулни 10 000 ЕД.дан 25 000 ЕД липазага етказиш тавсия қилинади.

Муковисцидоз.

4 ёшдан кичик болаларга бошланғич доза – вазннинг ҳар килограмми ҳисобига ҳар галги овқатланиш вақтида 1 000 ЕД, 4 ёшдан катта болаларга ҳар овқатланиш маҳали вазннинг ҳар бир килограмми ҳисобига 500 ЕД липаза. Қабул қилиш дозасини касаллик даражаси, стеатория кўриниши ва нутритив статусга кўра ҳар бир беморга индивидуал белгилаш лозим.Аксарият беморларга кўмакчи доза суткасига вазннинг ҳар бир килограмми учун 10 000 ЕД липазадан ошмаслиги керак.

Қўшимча таъсирлари

Препарат компонентларига аллергик реакциялар содир бўлиши мумкин. Препаратнинг катта дозаси қўлланганда камдан кам ҳолларда: ич кетиши (диарея), кўнгил айниши, қабзият, эпигастрал соҳада нохушлик ҳолатлари кузатилиши, узоқ вақт катта дозада қабул қилинганда гиперурикозурия, гиперурикемия ривожланиши ҳам мумкин.

Дозанинг ошиб кетиши

Аломатлари: пешоб (гиперурикурия) ва қонда (гиперурикемия) сийдик кислотасининг ортиб кетиши. Болаларда – қабзият.

Даволаш: препарт қабулини бекор қилиш, аломатларга қарши терапия.

Бошқа дори воситалари билан ўзаро таъсири

Таркибида темир сақловчи препаратлар билан панркреатин қабул қилинганда, биринчисининг сўрилиши камайиши мумкин.

Алоҳида кўрсатмалар

Алоҳида дозада панкреатин терапияси қабул қиладаган болалар ва катталар мутахассис кузатуви остида бўлишлари лозим.

Фермент терапиясининг самарасизлигига асосий сабаблар: таркибнинг ўникки бармоқли ичакда ачиши; ингичка ичакдаги йўлдош хасталиклар (гижжа, дисбиоз); беморнинг белгиланган даволаш режимига риоя қилмаслиги; фаоллигини йўқотган ферментлардан фойдаланиши.

Чиқарилиш шакли

10000 ЕД ва 25000 ЕД капсулалар.

3 (10000 ЕД дозировка учун) ёки 10 капсуладан поливинилхлорид плёнка ва босма лакланган алюмин фольгали контур уяли ўрамда.

Зич беркиладиган юқори босимли пробкали тўқранг шиша банкада 20, 30, 40 ёки 50 капсула.

Идишнинг бўш қолган қисми қуруқ тиббиёт пахтаси билан тўлғазилади.

Бурама қопқоқли полимер идиш ёки бурама қопқоқли пластик флаконда 20, 30, 40 ёки 50 капсуладан.

Ҳар бир банка, флакон, 1,2,3,4 ёки 5 контурли ячейкали ўрам йўриқнома билан картон қутига жойланади.

Сақаш шароити

Нам ва ёруғликдан пана, 25 °C дан юқори бўлмаган ҳароратда, болалар қўли етмайдиган жойда сақланг.

Яроқлилик муддати

2 йил. Яроқлилик муддати ўтган препаратни қўллаш мумкин эмас!

Аптекадан бериш тартиби

Рецептсиз берилади.